Katika Mkoa wa Manyara kunapatikana madini ya aina mbalimbali ambayo yapo katika maeneo mbalimbali ya Mkoa. Baadhi ya madini hayo ni Tanzanite, Ruby, Green Garnet, Red Garnet, Graphite, Limestone n.k. kutokana na uwepo wa madini wananchi wa maeneo husika wamekuwa wakijishughulisha na uchimbaji wa madini na uongezaji wa thamani ili kujipatia kipato. Ambapo kwa kiwango kikubwa shughuli za uchimbaji zinafanyika katika Wilaya ya Simanjiro katika eneo la Mirerani ambako kuna madini aina ya Tanzanite.
