SEMINA KWA WANAHABARI MKOANI MANYARA KUHUSU CHANJO YA SARATANI YA MLANGO WA KIZAZI

Imechapishwa Tarehe: April 21st, 2018

"Saratani ya mlango wa kizazi ni tatizo kubwa kwa akina mama ambao bado wana uwezo wa kubeba ujauzito" amesema mganga Mkuu wa Mkoa wa Manyara Dr. Damasi Kayera alipokuwa akifungua semina kwa wanahabari Mkoa wa Manyara juu ya Chanjo ya saratani ya mlango wa kizazi kwa watoto wenye miaka kumi na nne (14) mnamo April 20, 2018.

Aidha katika Semina hiyo wana habari toka katika taasisi  mbalimbali walihudhulia ili kushiriki Semina hiyo. Na lengo mahususi ilikuwa ni kuwajengea  uwezo wanahabari  hao ili waweze  kuwa mabalozi kwa wananchi  na kuwaelimisha  juu ya umuhimu wa chanjo hiyo.

Malengo mahususi ya Semina

Dr. Damasi ambaye pia ni Mganga Mkuu wa Mkoa wa Manyara ameongeza kusema kuwa baada ya semina hiyo angefurahi kuona wanahabari wote Mkoa wa Manyara wanapata uelewa wa pamoja kuhusu mambo muhimu yafuatayo:-

• Ukubwa  tatizo la saratani ya mlango wa kizazi.
• Visababishi vya  maambukizi ya virusi vya Papiloma.
• Dalili za saratani ya mlango wa kizazi.
• Kinga ya saratani ya mlango wa kizazi.
• Chanjo ya kuzuia saratni ya mlango wa kizazi.
• Umri unao stahili katika kupata chanjo ya kuzuia saratani ya mlango wa kizazi.
• Ratiba ya utoaji chanjo  ya kuzuia saratani ya mlango wa kizazi.
• Mahali inapotolewa chanjo ya kukinga saratani ya mlango wa kizazi.
• Huduma kwa wasichana /wanawake wenye umri kuanzia miaka 15 na kuendelea.
• Wajibu wa wanahabari katika kufanikisha uanzishwaji wa chanjo ya kuzuia saratani ya mlango wa kizazi.
• Ujumbe muhimu wa kufikishwa kwa jamii na wanahabari.