Halmashauri hakikisheni Kidato cha Kwanza wote wanaenda shule 2021 -Katibu Tawala Manyara.

Imechapishwa Tarehe: December 18th, 2020

Katibu Tawala wa Mkoa wa Manyara Bwana Musa Missaile ameziagiza Halmashauri zote za Mkoa huo kuhakikisha wanajenga madarasa pamoja na kutengeneza madawati ili wanafunzi wote 557 waliokosa nafasi za kujiunga kidato cha kwanza 2021 katika shule za sekondari zilizopo mkoani Manyara wawe wamesharipoti shule ifikapo mwezi Februari 2021.

Katibu Tawala ameyasema hayo leo alipokuwa katika kikao cha uchaguzi wa wanafunzi  wanaotakiwa kujiunga kidato cha kwanza mwaka 2021 kilichofanyika katika ukumbi wa Ofisi ya Mkuu wa Mkoa wa Manyara.

“Halmashauri hizi ambazo watoto wamekosa nafasi zihakikishe madara na na madawati yake yamekamilika ili watoto waingie madarasani !!” Alisema Katibu Tawala.

Akielezea mbele ya wajumbe waliohudhuria kikao hicho Kaimu Katibu Tawala Msaidizi sehemu ya Elimu Bwana Lago Sillo alisema kuwa kati ya watahiniwa 31981(Wavulana 15,143 na Wasichana 16,838) walioanza darasa la kwanza mwaka 2014, watahiniwa 30800 (Wavulana 14426 na wasichana 16,374) walifanya mtihani wa kumaliza Elimu ya Msingi na watahiniwa 1181 (Wavulana 717 na wasichana 464) hawakufanya mtihani kutokana na sababu mbalimbali ikiwemo utoro,vifo, ugonjwa  n.k

Vilevile Bwana Sillo amesema kuwa watahiniwa wamefaulu Zaidi katika Somo la Kiswahili na Somo la Kiingereza ndo somo lililokuwa la mwisho.

Bwana Lago Sillo pia aliwataja wanafunzi kumi bora wasichana na wavulana waliofanya vizuri ikiwa na Pamoja na shule na Halmashauri walizotoka.

Wanafunzi kumi bora Wasichana katika Mkoa wa Manyara

Wanafunzi kumi bora Wavulana katika Mkoa wa Manyara

Shule kumi zilizofanya vizuri Kimkoa

Akielezea jinsi Halmashauri zilivyofaulisha katika Mkoa wa Manyara Bwana Lago Sillo alisema kuwa Halmashauri ya Mji wa Babati imeshika nafasi ya kwanza kwa kupata asilimia 84.33 ikifuatiwa na Halmashauri ya Mji wa Mbulu iliyopata asilimia 81.47 na ya tatu ni Halmshauri ya wilaya ya Babati iliyopata asilimia 74.5 huku Halmashauri ya Wilaya ya Hanang ikiwa ya mwisho kwa kupata asilimia 67.43 ikifuatiwa na Halmashuari ya Wilaya ya Mbulu asilimia 68.92 na Kiteto asilimia 71.74.

Angalia majina ya Kila Mwanafunzi na shule aliyochaguliwa kwenye sehemu ya Matangazo