Imechapishwa Tarehe: July 28th, 2018
Rais wa Jamhuri ya Muungano wa Tanzania Mh.Dkt. John Pombe Magufuli leo Jumamosi tarehe 28/07/2018 amemteua Bwana Missaile Musa kuwa Katibu Tawala wa Mkoa wa Manyara, Joseph Mkirikiti kuwa Mkuu wa Wilaya ya Hanang’ na Elizabeth Simon Kitundu kuwa Mkuu wa Wilaya ya Babati.
Kabla ya uteuzi huo Bwana Missaile Musa alikuwa Kaimu Katibu Tawala wa Mkoa huo wa Manyara.Vilevile Mh.Rais amemuhamisha Bi Elizabeth Simon Kitundu kutoka Wilaya ya Bahi kuwa Mkuu wa Wilaya Babati kuchukua nafasi ya Mhandisi Raymond Mushi aliyestaafu kwa umri pia amemuhamisha Bw.Joseph Mkirikiti kutoka Wilaya ya Ruangwa kuwa Mkuu wa Wilaya ya Hanang’ kuchukua nafasi ya Bi.Sara Msafiri Ally ambaye amehamishiwa Wilaya ya Kigamboni.
Imeandikwa na:Haji A. Msovu (Afisa Habari Mkoa wa Manyara)
