Imechapishwa Tarehe: September 30th, 2023
Katibu Tawala Mkoa wa Manyara Bi. Karolina Mthapula, ameambatana na Mratibu wa Mbio za Mwenge, Kamati ya ulinzi na usalama Mkoa, Mkuu wa Wilaya ya Kiteto Pamoja na wataalamu mbalimbali katika ziara ya kutembelea na kukagua Miradi Mbalimbali itakayozinduliwa na kuwekewa mawe ya msingi na Mbio za Mwenge wa Uhuru 2023 katika Wilaya ya Kiteto.
Maeno yaliyo tembelewa na kukaguliwa na Katibu Tawala kwa Mujibu wa Mapendekezo ya Ratiba ya Mbio za Mwenge katika Wilaya hiyo ni Mahali yatakapo fanyikia Makabidhiano ya Mwenge, Ujumbe wa Mwenge utakapotolewa, Mwenge utakapo kesha pamoja na Miradi Mbalimbali ya Elimu, Afya na Mazingira.
Aidha Bi. Karolina Mthapula Amepongeza jitihada zilizofanywa na Mkuu wa Wilaya, Mkurugenzi pamoja na Viongozi wote wa Wilaya ya Kiteto kwa Miradi Mizuri na kusisitiza kuhakikisha wananyaraka zote za kila Mradi ambao Mwenge wa Uhuru utapita.
