Imechapishwa Tarehe: August 5th, 2018
Afisa Habari wa wizara ya maliasili na utalii, Bw.Hamza Temba aliyefariki tarehe 4/8/2018 magugu mkoani Manyara katika msafara wa waziri wa wizara ya maliasili na utalii Mh. Hamis Kigwangalla uliokuwa njiani kutoka Arusha kwenda Dodoma ,amezikwa siku ya jumapili tarehe 5 /8/2018 kijijini kwao Masama wilaya ya Hai mkoani Kilimanjaro.
Serikali kupitia mkuu wa mkoa wa Kilimanjaro Mh. Anna Mghwira iliwasilisha salamu za rambirambi kwa familia ambapo mkuu wa mkoa aliwasihi wafiwa kuwa na subira na kuzidi kufanya ibada katika kipindi hiki kigumu cha kuondokewa na ndugu yao.Pia aliwataka waombolezaji kumuombea marehemu dua njema. Mkuu wa wa Mkoa aliwasisitiza vijana kuwa waadilifu na kufanya kazi kwa bidii katika jamii kama alivyokuwa Bw. Hamza. ” Vijana ndio tumaini letu nanguvu kazi ya taifa.”Mkuu wa mkoa alisisitiza.
Huu ni msiba wa pili baada ya Afisa Habari wa wizara ya viwanda,biashara na uwekezaji Bw.Shadrack Sagati kufariki kwa ajali.Marehemu ameacha mke na mtoto mmoja.
(Kwa picha mbalimbali na video za matukio yote ya Mazishi angalia kituo cha Habari sehemu ya maktaba ya picha na maktaba ya video)
‘BWANA AMETOA NA BWANA AMETWAA’
Imeandikwa na: Isabela Joseph (Mwanafunzi wa UDSM(SJMC)- Mafunzo kwa vitendo)
